أن الماءَ يُحيِي و يُمِيت؟
و أن فَرَاشَةَ المَسَاء
كُلُّنا غَرقَى,
و الليل و الحب,
و الموت و الحياة,
و نأي الحبيب,
و كلّ الأشياء, لُجَجٌ عاصفة غاضبة
اشتقت للرِجّال يللي تعرفت عليه من سبع سنين.
اشتقت للرومانسي يللي ما بيزهق من كلام الحب و الغزل.
اشتقت للكريم يللي بيحب يفاجئني دايما" بوردة و ضمة و بوسة.
اشتقت للرِجّال يللي مستعد يعمل أي شي حتى يخلي حياتي تصير أحلى و أطعم.
بتذكرها أيامنا الماضية؟
يا الله شو كانت حلوة.
أنا ما قادرة إنساها, كرمال هيك ما قادرة إتأقلم مع حياتنا هلّق.
بعرف إنو المسؤولية عليك كبيرة, و إنك عم تشتغل كتير لتكفّي مصاريف البيت و الاولاد و تدفع الديون يللي مش عارفة تخلص من يوم عرسنا, بس مش ذنبي إذا بنت الطنط نجوى عملت عرسها بالرويال بالاس, إيه معقولة يعني عرسها يكون أفخم من عرسنا؟؟ نحنا كان لازم نفرجيها إنها مش أحسن مني بشي و إنو عريسي قادر يعملي عرس أفخم. بعدين خاتم السوليتير يللي جبرتك مامي تجيبلي ياه كان ضروري.
و ما تنسى إني دايما جنبك, عم ساعدك و عم حاول خفّف عنك همومك.
مبارح مثلا", أنا ما حضرت عالم الصباح و لا سمعت يوميات كرسي لإني كنت عم حضّر الغدا, إيه, الغدا مبارح ما كان ديليفري.
و الاولاد, وقّفت لهم المعلمة الخصوصي و طلبت منهم يساعدوا بعض , هيك ما بيعود عندك مشكلة تعطيني مصروف الكوافير شهريا".
و السلولير تعولي شيري نزلت فاتورته كتير لأني صرت بعملّك (missed call) و انت بتتصل.
إشيا كتير عم حاول ساعدك فيها شيري, هلّق يمكن مش عم تظبط معي cent percent بس إنو يعني.
بعدين ما كل العايشين بهالبلد عندهم نفس الظروف, دَخلَك كلهم تغيّروا هيك مع نسوانهم؟؟؟
بالنسبة لبكرا بتعرف شو؟ عم فكّر إسترجع زوجي الحقيقي, فحضّر حالك.
رح إبعت الاولاد يناموا عند إمك (هيك هيك إنت عم تدفعلها مصاريف البيت) و رح إلبسلك تياب كتير حلوين, و حط أحلى عطر و أنطرك بغرفة النوم يللي إنت يمكن نسيت كيف بيروحولها شيري. و هونيك رح مارس عليك سحر ورثته عن ستي حوا.
رح رجّعلك ذاكرتك و رجّع معها الرجال يللي حبيته و رضيت إني اتزوجه.
رح نسّيك الدني و ما فيها.
بس بليز ما تنسى شيري انت وراجع من الشغل بكرا تمر على الرستورانت تجيب لنا عشا و بطريقك مر على فيغو مودا لتدفع فاتورة التياب يللي رح البسلك ياهم.
شو بعمُل شيري, الإغواء مكلف. بس عن جد, اشتقتلك.
زوجي العزيز, بحبك
سأرحل بصمت و أدع كل الأشياء خلفي تخبر عني.
أنت مسؤول مثلي تماماً عن قتل حبنا و فرحنا و سعادتنا.
لأنك آخر من أحب,
و سأصنع غدي بيديّ هاتين تماماً كما صنعت ماضيّ و أعيش.
سأنشد مع ماجدة الرومي أني اعتزلت الغرام و أعيش.
وعندما سأشعر بالحاجة إلى الحب أو الحنان سأزور المقابر, ليترسخ إيماني بمنطق الموت و الزوال و أعيش.
سأواجه كل الصعوبات وحدي و أعيش.
لأن الله منحني القوة و القدرة على العيش و العلم و العمل سأعيش.
لأني مؤمنة بقضاء الله و قدره سأعيش.
لأني لم أُخلَق لأستسلم, سأعيش.
لن يكون عالمي مختصراً بزواج و أطفال و سأعيش.
